今日收到超多朋友問，港股做乜跌咁多、發生乜事、應該點做？
臨瞓前，等我同大家簡單分析下
「恆大事件」問題繼續發酵，市場對房地產商健康狀態擔憂伸延到香港、甚至更伸延到保險同銀行業。再加上市場傳中央要會晤香港主要地產商，出order要佢哋幫手解決房屋短缺問題。所以唔難解釋，點解今日保險股同銀行股跌得咁勁
「恆大事件」會唔會變咗雷曼翻版？應該唔會！地產作為中國其中一個最重要嘅行業，政府一早都明確表明房地產市場穩定嘅重要性，樓係用嚟住、唔係用嚟炒。所以，恆大嘅命運，好代表政府對國內其他房地產商發出去嘅訊號：控制槓桿嘅重要、鼓勵房地產行業有控制地放緩
其實中央政府已經係七月下調主要銀行存款準備金，都聞到緊縮周期已經到尾聲嘅味道。所以年底前，有更多支持政策出台一啲都唔出奇，所以第四季中國股市出現明顯返彈都唔出奇
雖然港股近排令大家非常失望，但其實亞洲好多市場，好似台灣、韓國同日本股市表現都好好，特別係日本近排更有大規模外資湧入。
嚟緊嘅日子，市場波動一定繼續。但有危一定亦有機，大家只要靈活多元資產配置同運用平均成本法，管理好市場風險一定可以做贏家
講完，早唞。
睇完俾個like 👍🏽
Search